منتديات الفنان حمد العماني


    تقرير عن حمد العماني

    شاطر
    avatar
    مزيونه بهيبتها مينونه

    انثى عدد الرسائل : 14
    العمر : 24
    تاريخ التسجيل : 07/07/2011

    تقرير عن حمد العماني

    مُساهمة  مزيونه بهيبتها مينونه في السبت سبتمبر 10, 2011 5:17 pm

    تقريري اليوم عن حمد العماني
    انا من معجبينه
    انسان خلوق>> بشهادتي وبشهاده وايد
    التقيته كذا مره وكلمته كذا مره وفعلا شاب خلووق وبمقمه الذوق والادب
    ومو لاني معجبه فيه اقول هالحجي بس هذا الواقع والكل يتكلم عنه
    دوره باللقيطه اقرب دور لشخصيته
    ابتسامته ما تفارقه ابد وشخصيته حلوه
    اشوفه تلقائي بتمثيله وهذا اللي احبه فيه
    ادواره بسيطه بس له بصمته
    شاب متمرس ومقنع


    البطاقه الشخصيه للفنان الشاب " حمد العماني "

    الاسم : حمد العماني
    المواليد : 2/8/1985
    المهنه : ممثل
    الحاله الاجتماعيه : اعزب



    الاعمال

    زينه الحياه >> غلطه مشواره الفني واول
    دوره مو شي والمسلسل فاشل
    وحتى اهوا قال عن دوره ( كان اول مسلسل لي وكنت ضايع بالطوشه
    اللقيطه >> احب هالمسلسل كان عنونو وفبداياته ومنه برز
    عربيات >> هذا ما شفته واستغربته ما كنت ادري عنه
    الرحى >> دور الاخو الحنون وريال البيت ( ليت عندي اخو بشخصيته بهالمسلسل )
    همس الحراير >> دوره عبيط بس يتحرش باخته
    ابله نوره >> حددي حبيت الدور وخاصه لما كان بيخطب مرام ( احلى حلقات )
    الاصيل >> دور يديد بس كان حقير
    نقش الحنه >> وايد كان طيب وشخصيته عاديه ( ما كان قوي الدور )
    ام البنات >> الدور بسيط وقوي بنفس الوقت وحلو ومادري شكو بس حبيته مثل ما الكل حبه
    الحب الكبير >> كان باختصار مجامله لعبدالحسين عبدالرضا ( ما كان فيه اي شي يديد )
    امرأه واخرى >> للاسف ما تابعته وناطره الاعاده
    زواره خميس >> الدور عز اخر العنقود المدلع دور يديد وحلوو

    الاعمال المسرحيه
    ينانوه الفريج >> دور المجاهد ( دوره حلو ويعور القلب لما يموت
    الحاسه السادسه >> احلى دور مسرحي ( كان بطوله ومشاهده وايد خخخ )
    مصاص الدماء >> الدكتور .. ياوييييلي شنو يبط الجبد بهالدور ( شرير
    سندريلا >> ما رحتها
    ليلى والذبين >> دور الخشاب وطبعن كلمك عرفين القصه ميحتاج اعيدهاا
    بلاد العجائب >> دور انه اهو ساحر واهو ويعقوب بعدالله ملتزقين ولهم راسين

    >> عندي انتقاد ( ان اغلب ادواره المسرحيه التجاريه بمسرح الرعب بدور الشرير واللي فيه خبث



    بقولكم عن بدايته بمسرح الشباب ومن المسرح انطلق للاعمال التلفزيونيه
    بدايته كانت بانضمامه لورشه اعداد الممثل والكتابه المسرحيه ( بمسرح الشباب 2002 )
    واختير من بين العناصر الاكثر تميزا للاشتراك بعمل باسم ( حلم السمك العربي )
    بمهرجان القاهره التجريبي
    في السنه التاليه نظم مسرح الشباب ملتقى ضم خريجي الورش التدريبيه الى جانب اعضاء مسرح الشباب لاكتشاف كل الفائده اثر متابعه الدروس وشارك بمسرحيه ( بعنوان : الاخيره )
    ومن هنا انطلقت المسيره فاصبح من الاسماء الدائمه في اعمال هذا المسرح
    وشارك بمسرحيه ( ذ.م.م ) وحققت نجاحا لافتا ووحصدت على جائزه افضل عرض متكامل

    ونلاحظ بالفتره الاخيره غياب العماني عن مسرح الشباب والمهرجانات لانشغاله بالتلفزيون والمسرح التجاري

    وهو احد عناصر ( ستيج قروب ) وهما قروب مسرحي يضم عدد من الاسماء لكنه يشارك معاهم كضيف شرف
    ( والقروب يضم : محمد الحملي .. عبدالله البدر .. عبدالمحسن العمر .. عبدالله الخضر .. صادق بهبهاني .. محمد المسلم .. علي حسن .. حسين المهنا .. علي الحسيني .. نواف الحرز وغيرهم وايد

    واللي اشتهرو بمسرحيه ( مسرح بلا جمهور ) ونجاحهم ادى الى تكمله المسرحيه الى ان وصلت اليوم للجزء الرابع

    وحصل على جائزه افضل ممثل عن مسرحيه المقايضه
    واهوا ويه الخير على اي عمل مسرحي فأغلب اعماله اللي شارك فيها تحصد على جوائز

    اي وترى كان ماخذ جائزه افضل ممثل ناشئ عن دوره بمسلسل اللقيطه

    ( بدا بمجال التمثيل بعام 1999 وشارك بالاعمال التلفزيونيه بعام 2004
    وخذا جائزه افضل ممثل على مستوى الخليج في مهرجان الخليج عام 2003
    avatar
    مزيونه بهيبتها مينونه

    انثى عدد الرسائل : 14
    العمر : 24
    تاريخ التسجيل : 07/07/2011

    رد: تقرير عن حمد العماني

    مُساهمة  مزيونه بهيبتها مينونه في السبت سبتمبر 10, 2011 5:20 pm

    مو من شباب السهرات والنزهات ( كما قال : انا لست ربيب السهرات والنزهات وهذه طبيعتي قبل ان اصبح ممثلا اذ كنت امضي اوقات راغي في المنزل او في الديوانيه .. لكن ما اختلف الان ان العيون تراقبني باستمرار وكل خطوه يحسب لها الف حساب ) >> من جريده الراي
    >> الله يكملك بعقلك


    لن يدخل مجال الغناء فهو مكتفي >> على الرغم من ان صوته زوين مابي اقول حلوو بس زين
    بس ترى مو اهوا اللي غنى بمسرحيه ( الحاسه السادسه _ ينانوه الفريج ) >> هذا صوت عادل فرحان على ما اعتقد

    وحمد غنى مقطع بسيط مع عبدالحسين عبدالرضا بحلقه من حلقات الحب الكبير


    ولما سئلوه عن تصوير اعلان تجاري اكتفى بالقول : انا ممثل لا اكثر وله اقل ولست مذيع وله مقدم اعلانات وقد اقبل بالاعلان والفيديو كليب ان كان في اطار التمثيل

    ومن الغريب انه ما يفكر بالانتشار الفني في الوطن العربي >> متواضع وقنوع

    والمعلومه اللي يمكن وايد ما سمع فيها انه
    كان لاعب كره قدم ودش المجال بالصدفه
    صارت له مشكله مع النادي بعدم اعطائه صلاحيه الانظمام لنادي اخر على الرغم من عدم لعبه كاساسيا بالمباريات الرسميه لسنه !
    وكانو ربعه يروحون نادي مسائي للتمثيل فانضم للمسرح ( لانه قريب من النادي ! >> بالمكان طبعا
    وكان ينحاش من بروفات المسرح ويروح للملعب

    وحرص على دراسه المجال الفني كهوايه لا اكثر

    الاقرب له : مشعل الشايع .. عبدالله بوشهري .. محمد الحملي .. المخرج علي العلي

    بطبيعته ما يحب الشكليات وما يميل للاهتمام بالشكل والستايل ( لا اميل لهذه الامور وارتدي الذي يناسبني ويناسب شخصيتي وعمري
    ,, وان عرض علي زي لا يليق بي لا ارتديه


    طفولته
    كنت دلووع بشكل كبير ولا احد يضربني فأنا اكبر الابناء وتدللت على يد والدي كثيرا
    كانو يلقبوني ب( حماده )
    طبعه بطفولته ما اختلف وايد عن الحين
    هادي بالفترتين ولكن كان من الشطار والاوائل وتدنى مستواه بعدها

    >> اكبر دليل على هدوئه اختياره لاعماله




    يختي شكله تحفه خخخخ

    واخير شي كنت بقوله لكم انه كان راح يمثل ب( دمعه يتيم ومثل بعض المشاهد بعدين اعتذر عن العمل




    يلا الحين بشووف ردودكم وباجر احط لكم الصور لانهم واايد ويبيلهم قعده
    اخيييييييييييه يالتعب ماتدرون جم موضوع دخلت وشكثر دورت وقريت

    ( هلاهل هلاهل )
    عسى بس الموضوع ( وايد زين ) ؟؟
    >> على قوله حمد
    __________________
    avatar
    لبى قلبه

    انثى عدد الرسائل : 57
    العمر : 22
    الموقع : السعوديـــــــ فديتها ـــــــــــــــــه
    تاريخ التسجيل : 26/05/2011

    رد: تقرير عن حمد العماني

    مُساهمة  لبى قلبه في الإثنين سبتمبر 12, 2011 11:53 am

    سلمت اناملك اختي ويعطيك
    الف عااااااااافيه
    بانتظااار الصور
    santa
    avatar
    مزيونه بهيبتها مينونه

    انثى عدد الرسائل : 14
    العمر : 24
    تاريخ التسجيل : 07/07/2011

    رد: تقرير عن حمد العماني

    مُساهمة  مزيونه بهيبتها مينونه في الخميس سبتمبر 15, 2011 5:51 pm

    سوري والله سوري ماقدر انزل الصور سمحولي والله

    حياه الروح

    انثى عدد الرسائل : 3
    العمر : 28
    تاريخ التسجيل : 09/03/2012

    رد: تقرير عن حمد العماني

    مُساهمة  حياه الروح في الجمعة مارس 09, 2012 5:16 pm

    يسلمووووووووووووووووووووووووو علي المعلومات

      الوقت/التاريخ الآن هو الأربعاء يوليو 26, 2017 6:51 pm